Dalgħodu, fans ta’ Oasis spiċċaw f’paniku kbir meta pprovaw jixtru l-biljetti għall-kunċert iżda s-sit ma laħqitx mad-domanda tant li ma setgħux jaċċessawha.
Il-biljetti bdew jinbiegħu fid-9am wara li nhar it-Tlieta l-grupp leġġendarju ħabbar li reġgħu ngħaqdu sabiex itellgħu dan il-kunċert.
L-aħwa Noel u Liam Gallagher jidher li rranġaw id-differenzi ta’ bejniethom tant li se jkunu qed jingħaqdu flimkien fuq l-istage għall-ewwel darba mill-2009.
