L-Istati Uniti qalet li l-forzi militari tagħha fl-Iraq qatlu 15-il persuna tal-Istat Iżlamiku f’operazzjoni konġunta mal-Forzi tas-Sigurtà tal-Iraq li kellha fil-mira t-tmexxija tal-grupp militanti.
Kmand Ċentrali tal-Istati Uniti, Centcom, qal li kien wettaq l-operazzjoni konġunta fil-Punent tal-Iraq kmieni l-Ħamis. It-truppi Amerikani u Iraqini ntlaqgħu minn membri tal-Istat Iżlamiku mgħammra b’”għadd kbir ta’ armi, granati u splussivi ta’ suwiċidju”. Dan filwaqt li kkonferma li m’hemm l-ebda indikazzjoni ta’ vittmi ċivili.
Apparti hekk, uffiċjali tad-difiża Amerikana qed jgħidu li seba’ truppi Amerikani ndarbu.
Fl-Iraq, bħalissa, hemm madwar 2,500 truppi Amerikani li qegħdin hemm biex jassistu peress li l-militar Amerikan ħabbar it-tmiem tal-isforzi tal-ġlieda tiegħu fil-pajjiż f’Diċembru 2021.
L-Iraq ħabbar fil-15 ta’ Awwissu li se jipposponi data ta’ tmiem ippjanata għall-operazzjonijiet militari tal-Istati Uniti fil-pajjiż.
L-operazzjoni tal-Ħamis issegwi attakk riċenti fil-Ġermanja u pjan fl-Awstrija li qed jiġu investigati għar-rabtiet tagħhom mal-Istat Iżlamiku.
