Żagħżugħ ta’ 23 sena residenti Ħal Tarxien, tilef ħajtu wara li sofra ġrieħi f’rasu waqt li kien qed jagħmel xi xogħlijiet fil-proprjetà tiegħu.
L-inċident seħħ it-Tlieta għall-ħabta tal-5:00 ta’ waranofsinhar fi Triq il-Witja, Ħal Tarxien.
Il-Pulizija marru fil-post u minn investigazzjonijiet preliminari rriżulta li ż-żagħżugħ ta’ 23 sena kien qed jagħmel xi xogħlijiet fi proprjeta privata li hi tiegħu stess u sofra xi ġrieħi f’rasu.
Il-vittma ngħata l-għajnuna minn tim mediku u membri tal-Protezzjoni Ċivili.
Aktar tard huwa ttieħed l-Isptar Mater Dei b’ambulanza iżda sfortunatament huwa kien iċċertifikat mejjet ftit tal-ħin wara.
Bil-każ ġie infurmat l-Maġistrat Philip Galea Farrugia li ħatar inkjesta, filwaqt li l-investigazzjonijiet tal-Pulizija għadhom għaddejjin biex tiġi stabbiltà d-dinamika tal-inċident.
