Fi żvilupp sinifikanti għas-settur tas-servizzi professjonali Maltin, KSi Malta u CSA Group, żewġ kumpaniji korporattivi ewlenin f’Malta, għaqqdu l-attivitajiet tagħhom biex ħolqu CLA Malta. Din l-entità issa se topera taħt in-netwerk globali ta’ CLA Global, u tkompli ssaħħaħ il-kapaċitajiet tagħha u tespandi l-firxa tagħha fir-reġjun u internazzjonalment.
B’din l-għaqda, CLA Malta hija kburija b’tim ta’ 140 professjonist. Id-ditta, li topera mill-uffiċċji ewlenin tagħha fl-Imsida u f’Ta’ Xbiex, se tipprovdi sett komprensiv ta’ servizzi, inklużi l-awditjar, il-konsulenza, it-taxxa, u ‘outsourcing’.
Dawn is-servizzi se jaqdu firxa wiesgħa ta’ industriji, bħal prodotti għall-konsumatur, edukazzjoni, enerġija u riżorsi naturali, ‘fintech’, manifattura u distribuzzjoni, servizzi professjonali, u telekomunikazzjonijiet. Joseph Gauci u Charles Scerri, Imsieħba Fundaturi ta’ CLA Malta, ikkummentaw dwar l-għaqda:
“L-għaqda ta’ KSi Malta u CSA Group taħt il-banner CLA Global tirrappreżenta pass strateġiku biex insaħħu l-preżenza internazzjonali tagħna. Billi ningħaqdu u nsiru parti minn netwerk globali, aħna f’pożizzjoni aħjar biex noffru lill-klijenti tagħna l-ogħla livell ta’ servizz u kompetenza.”
Paul English, CEO ta’ CLA Global, esprima l-entużjażmu tiegħu dwar l-espansjoni: “Aħna eċċitati li nilqgħu lil CLA Malta fin-netwerk tagħna. L-għaqda ta’ KSi Malta u CSA Group tiġbor flimkien tnejn mill-aqwa ditti ta’ Malta, u l-kompetenza kombinata tagħhom se tkun ta’ vantaġġ għal CLA Global.
Din il-mossa tallinja mal-missjoni tagħna li nipprovdu servizz eċċezzjonali lill-klijenti madwar id-dinja.” CLA Global, stabbilita fl-1 ta’ Lulju, 2022, minn CliftonLarsonAllen LLP u Evelyn Partners, malajr kibret biex tinkludi aktar minn 220 uffiċċju madwar id-dinja, b’aktar minn 14,500 professjonist. In-netwerk jispeċjalizza fis-servizz ta’ negozji tas-suq medju li qed jikbru malajr, innovattivi u dinamiċi b’operazzjonijiet transkonfinali.
Id-ditti fundaturi CliftonLarsonAllen LLP (l-Istati Uniti) u Evelyn Partners (UK) huma t-tnejn mill-aqwa 10 ditti fil-pajjiżi rispettivi tagħhom, u jmexxu lil CLA Global biex issir waħda mill-aqwa netwerks madwar id-dinja fis-snin li ġejjin.
Aktar tagħrif jinkiseb mingħand lil Luke Caruana, Kap tal-Marketing u l-Komunikazzjoni lcaruana@clamalta.com www.clamalta.com
