L-Ajruport Internazzjonali Malti laqa’ total ta’ 983,182 passiġġier matul ix-xahar ta’ Awwissu.
Fid-dawl ta’ dan, ix-xahar ta’ Awwissu tal-2024 kien ikkonfermat bħala l-aktar wieħed impenjattiv tul l-istorja tal-Ajruport Internazzjonali ta’ Malta.
Minn informazzjoni illi ppubblika l-Ajruport Internazzjonali ta’ Malta, jidher illi l-istaġun tas-sajf ra żieda ta’ 14.3% fil-moviment tal-passiġġiera.
Barra minn hekk, l-ajruport Malti ra wkoll tkabbir ta’ 12.1% fil-postijiet disponibbli fuq it-titjiriet. B’din l-istess okkupanza tesperjenza żieda ta; 91.2%. B’din l-okkupanza tkun tal-ogħla livell li ntlaħaq sa mill-bidu tas-sena.
Intant, b’dawn l-istatistiċi l-aktar swieq importanti, li jinkludu l-Italja u r-Renju Unit baqgħu fl-istess livell- bir-Renju Unit tkun fuq nett tal-klassifika.
Dawn is-swieq kienu riżultat ta’ 45% tal-moviment tal-passiġġiera.
Min-naħa l-oħra, is-suq Ġermaniż qabeż dak Franċiż sabiex issa is-suq Franċiż ġie magħżul bħala t-tielet l-aktar suq importanti.
Ir-rapport juri li għall-ewwel darba minn Frar li għadda, Spanja sabet postha mill-ġdid bħala l-ħames l-aktar destinazzjoni importanti għall-ajruport ta’ Malta.
Ħarsa lejn Awwissu tal-2024
| Total tat-Traffiku | 983,182 passiġġier |
| L-Aktar Suq Importanti | L-Italja (249,410 passiġġier) |
| L-Aktar Ajruport Popolari | Ruma, Fiumicino (58,782 passiġġier) |
| Moviment tal-Ajruplani | 6,106 tluq u wasla |
| Postijiet Disponibbli fuq it-Titjiriet | 1,078,257 post |
| Is-Suq bl-Akbar Tkabbir (mill-aqwa 5) | Ir-Renju Unit (25.0 fil-mija) |
| Tagħbija u Posta | 1,987 tunnellata |
| Traffiku mill-Bidu tas-Sena | 6,000,457 passiġġier (+16.3 fil-mija fuq l-2023) |
