Il-lift ta’ fejn Bieb il-Belt għal darb’oħra reġa’ weħel.
Bosta huma dawn li fl-aħħar xhur u ġimgħat ilmentaw kemm-il darba mal-kamra tal-aħbarijiet ta’ Net News, bin-nuqqas ta’ effiċjenza fis-servizz li qed jieħdu kemm ir-residenti kif ukoll dawk kollha li ta’ kuljum ġejjin u sejrin fil-belt kapitali.
Net News huwa infurmat li dalgħodu l-lift reġa’ weħel, b’żewġ anzjani fih.
Jidher li dawn iż-żewġ persuni kienu sfurzati jitilgħu l-imsemmi lift minħabba l-fatt li t-taraġ ma kienx aċċessibbli dak il-ħin minħabba konferenza tal-aħbarijiet li kienet qed tiġi organizzata – bis-Sindku Olaf McKay preżenti.
Persuni li tkellmu magħna saħqu li waqt li kien għaddej l-indirizz tal-konferenza tal-aħbarijiet, jidher li qam kaos inevitabbli.
Huma spjegaw ukoll li filwaqt li jifhmu li l-użu kontinwu tiegħu, hemm ċans li jwassal għal ħsarat… din hija ġrajja li qed iseħħ ta’ spiss mingħajr qatt ma tiġi indirizzata serjament.
