‘Stajna għalaqna l-logħba qabel’ – Darren Abdilla, kowċ ta’ Floriana

 ‘Kuntent bir-riżultat iżda diżappuntat għaliex stajna għalaqna l-logħba qabel. Kellna ħafna mill-pussess kif ukoll ċansijiet iżda ma approfittajnix.’ Kliem il-kowċ ta’ Floriana Darren Abdilla wara r-rebħa li huma kisbu kontra Naxxar Lions bl-iskor ta’ 2-0. Abdilla kompla: ‘Sakemm sofrew il-gowl bdew jagħlqu tajjeb. Konna xi ftit inkwetati peress li b’gowl wieħed vantaġġ jista’ jiġri kollox. Finalment, iżda, dan kien riżultat ġust.  Bdilna xi affarijiet ukoll b’mod partikolari fid-difiża fejn lagħbna bi tlieta fuq wara. Ovvjament, il-pjan dejjem jinbidel skont l-avversarji tal-ġurnata. Rebħa li biha nkomplu nibnu sabiex nitilgħu aktar ‘il fuq fil-klassifika.’

‘Għad irridu naraw l-aqwa tat-tim’

• Stefano De Angelis, kowċ B’Kara FC

‘Kienet logħba kontra tim tajjeb ħafna fejn kif bsarna ma kenitx logħba faċli’. Hekk ikkummenta l-kowċ ta’ Birkirkara, Stefano De Angelis, wara r-rebħa tat-tim tiegħu kontra Hibernians. Huwa kompla hekk: ‘ Fl-ewwel taqsima ħloqna ħafna ċansijiet ta’ skor. Ninsab kuntent ħafna għall-players kollha. It-tim għad irridu naraw l-aqwa tiegħu fejn għal din il-logħba kellna numru ta’ players li ma kenux fl-aqwa kundizzjoni. Imma li ksibna t-tliet punti kontra avversarju diffiċli u b’hekk ninsabu fl-ewwel post tal-klassifika jkompli jimlina bil-kuraġġ għal-logħbiet li jmissna. It-triq hija waħda twila imma l-grupp ta’ players li għandna fl-iskwadra huwa magħqud u jaf id-direzzjoni ta’ fejn irridu naslu.’