Għaddas qed jissielet għal ħajtu wara li sab ruħu f’diffikultà fl-inħawi tax-Xatt l-Aħmar, f’Għajnsielem, għall-ħabta tat-3:30 pm.
L-għaddas, Pollakk ta’ 51 sena, ingħata l-ewwel għajnuna minn xi persuni li kienu miegħu li ħaduh l-Isptar Ġenerali ta’ Għawdex, fejn ingħata l-għajnuna medika. Hemmhekk, hu ġie ċċertifikat li jinsab f’kundizzjoni serja.
Bil-każ ġiet infurmata l-Maġistrat tal-Għassa Brigitte Sultana li ħatret inkjesta maġisterjali, filwaqt li l-investigazzjoni tal-Pulizija għadhom għaddejjin biex tiġi stabbilita d-dinamika tal-inċident.
