Il-MAM ippubblikat l-ispiża tal-gvern fl-ippjanar tal-faċilità psikjatrika akuta u l-outpatients, pjan li kien sar qabel mill-Ministru Fearne.
Dawn il-pjanijiet li damu tliet snin biex jitlestew, kienu lesti u diskussi b’mod estensiv mal-partijiet kollha u għandhom l-appoġġ tal-istess partijiet.
Sfortunatament, il-Ministru Jo-Etienne Abela eradika dawn il-pjanijiet kollha u mingħajr konsultazzjoni xierqa, irid pjan kompletament differenti li jgħaqqad ħames swali tal-psikjatrija, dan filwaqt li l-blokk tal-outpatients qed jiġi skrappjat kompletament.
Id-deċiżjoni li jiġu immodifikati l-pjanijiet teħtieġ nefqa ġdida ta’ għaxar miljun ewro oħra fuq pjanijiet ġodda, u dewmien ta’ mill-inqas sentejn biex tibda l-kostruzzjoni proprja u bejn sentejn u tliet snin oħra għat-tlestija.
Barra minn hekk, fi Frar hemm skedata t-tlestija taċ-Ċentru tas-Saħħa ta’ Raħal Ġdid fejn jistgħu jingħataw aktar minn ħamsin miljun ewro mill-Unjoni Ewropea jekk il-proġett ma jkunx lest sa dik id-data.
Il-MAM qed tappella lill-Ministru Abela biex jagħti prijorità lill-pazjenti, juża l-pjanijiet li huma lesti u jibda bil-kostruzzjoni li tant hemm bżonn.
