Colin Schembri
Visit Malta Starlites Naxxar………..74
Anorthosis Famagusta………………..81
(18-22)(24-27)(19-21)(13-11)
Anorthosis Famagusta ħarġu rebbieħa fuq Visit Malta Starlites Naxxar b’differenza ta’ 7 punti fl-ewwel leg tar-round preliminari tal-FIBA Europe Cup. Dan kien ir-ritorn ta’ team Malti f’din il-kompetizzjoni wara nuqqas ta’ kważi 30 sena. Filwaqt li c-Champions Maltin Starlites kellhom mumenti tajbin fil-logħba, b’mod ġenerali, Anorthosis Famagusta żammew il-kontroll tal-logħba għal madwar fejn kienu fuq quddiem għal 38 minuta u 34 sekonda. Għalkemm kien hemm xi tibdil fil-vantaġġ, il-prestazzjoni ta’ Anorthosis fil-punti ta’ tranżizzjoni u fiż-żona kienet determinanti. Starlites ippreżentaw il-ħames players barranin li rreġistraw għal din il-kompetizzjoni. Dawn huma Benjamin Curran, Joseph Davis, Carson Newsome, Trevon Reddish-Rhone u Kolten Mortensen. Il-partita ntlagħbet quddiem attendenza mill-isbaħ fejn ankè l-partitarji Ċiprijotti kienu storbjużi tul il-partita kollha.
Fl-ewwel sessjoni Garrett fetaħ bi trippla għal Famagusta biċ-Ċiprjotti jkomplu b’run ta’ 6-2 fl-ewwel żewġ minuti. Wara run oħra ta’ 5-0 bill-punti ta’ Gordon u Williams, Famagusta bnew vantaġġ ta’ 13-5 sa’ nofs l-ewwel sessjoni. Finalment Starlites irrispondew b’run ta’ 6-0, grazzi għal Reddish-Rhone u Curran, iżda Garrett u Smith komplew b’aktar punti biex Famagusta temmew l-ewwel perjodu 22-18 fuq quddiem. Starlites bdew tajjeb fit-tieni perjodu b’run ta’ 4-0, fejn Curran u Davis naqqsu d-distakk għal punt wieħed. Għalkemm irnexxielhom jibbilanċjaw il-logħba għal mument, Garrett għamel run personali ta’ 5 punti konsekuttivi u għen biex it-team tiegħu jkabbar il-vantaġġ għal 29-22. Williams u Garrett komplew ikabbru l-vantaġġ ta’ Famagusta u għalkemm Davis kellu 3 punti lejn tmiem it-tieni quarter, Anorthosis baqgħu fuq quddiem, 49-42.
Fit-tielet sessjoni, Starlites bdew b’run ta’ 5-2 minn Newsome u Davis, imma Smith baqa’ konsistenti għat-team minn Ċipru, inkluż trippla important biex żamm lil Anorthosis fuq quddiem. Famagusta reġgħu kabbru l-vantaġġ għal 10 punti b’run ta’ 6-0 lejn nofs il-perjodu. Reddish-Rhone daħal fl-azzjoni għac-champions Maltin b’żewġ fast breaks, u irnexxielhom inaqqsu l-iżvantaġġ għal 6 punti biss. Hawn Smith reġa’ rrisponda bi three-pointer ieħor biex għalaq it-tielet perjodu 70-60 favur Famagusta. Starlites bdew l-aħħar perjodu b’run ta’ 7-2 grazzi għal Mortensen u Newsome, u naqqsu d-distakk għal 5 punti. Għalkemm bdew jersqu viċin, Williams u Iliadis reġgħu kisbu punti important għal Famagusta. Reddish-Rhone għamel 4 punti oħra biex naqqas il-distakk għal 3 punti fil-minuti finali, iżda Williams bi trippla oħra għalaq il-logħba b’rebħa għal Anorthosis fuq skor finali ta’ 81-74.
Prestazzjonijiet Notevoli mill-Plejers:
- Visit Malta Starlites Naxxar:
- Joseph Davis kien il-protagonist ewlieni ta’ SNB b’23 punt, inklużi 4 three-pointers.
- Trevon Reddish-Rhone kien effettiv ukoll b’18-il punt, 7 assists, u 6 rebounds.
- Benjamin Curran kellu wirja tajba fit-throwing tal-free throws b’8 minn 10.
- Anorthosis Famagusta:
- Jarvis Garrett kien l-aqwa scorer għal ANO b’23 punt, b’57% fil-logħob tal-ġewwa.
- Kentwan Smith kellu prestazzjoni solida b’15-il punt u 8 rebounds.
- Stefanos Iliadis skorja 14-il punt, inkluż 2 three-pointers, li għenu biex iżommu lil ANO fil-vantaġġ.
