88 fil-mija tat-telefonati kollha lill-customer care ta’ Melita jitwieġbu fi żmien 2 minuti. L-ebda operatur ieħor tat-telekomunikazzjoni f’Malta ma jwieġeb daqstant sejħiet f’dan il-perjodu ta’ żmien. Din is-sejba tal-aħħar ġiet ippubblikata mill-Awtorità Maltija tal-Komunikazzjoni (MCA) fl-End-User Affairs: Half Yearly Report.
Graziella Costa, Head of Customer Experience ta’ Melita Limited, qalet: “Dawn ir-rapporti tal-MCA huma vitali għall-industrija tat-telekomunikazzjoni f’Malta billi jipprovdu ħarsa ġenerali u indipendenti ta’ kif l-operaturi qed jittrattaw il-klijenti u l-ilmenti li jista’ jkollhom. Il-fatt li dawn ir-rapporti joħorġu kull sitt xhur ifisser ukoll li lkoll nistgħu nagħmlu benchmark u nsegwu l-prestazzjoni tal-operaturi. Ir-riżultati tal-aktar rapport reċenti li jkopri l-ewwel nofs tal-2024, kienu inkoraġġanti ħafna għax juru li mhux biss qed inwieġbu t-telefonati, iżda qed insolvu wkoll ħafna mill-kwistjonijiet malajr.”
L-aħħar data maħruġa mill-MCA turi li n-numru ta’ sejħiet imwieġba mill-Melita fi żmien 5 minuti huwa ta’ 96 fil-mija. Ir-rapport żvela wkoll li s-servizz tal-mowbajl ta’ Melita kien l-inqas li dwaru saru ilmenti lill-MCA matul l-ewwel sitt xhur tal-2024 b’żewġ ilmenti biss.
