“Aħna għandna appell wieħed għall-Gvern. Nixtiequ li l-Gvern jismagħna u jagħti kasna għal Għawdex aħjar.”
Dan qalu Luke Said mill-organizzazzjoni mhux governattiva Għawdix fl-attività politika organizzata mill-Partit Nazzjonalista li saret fil-pjazza tat-Tokk fir-Rabat Għawdex, filwaqt li rrimarka li pajjiżna għandu bżonn ekonomija b’saħħitha iżda aktar sostenibbli, bl-għan ewlieni hu li jiġi salvagwardjat l-ambjent naturali t’Għawdex.
“Billi nagħrfu l-bżonnijiet uniċi tal-gżira Għawdxija, u nedukaw ruħna, nistgħu nidderieġu t-triq tal-progress lejn titjib ġenwin u dejjiem fil-kwalità tal-ħajja f’Għawdex.”
