Ħadd ma weġġa’ kmieni dalgħodu meta vann ħa n-nar fuq il-flyover tal-Marsa.
In-nar kien irrappurtat wara s-7am fil-karreġġjata li tgħaqqad il-flyover ma’ Triq Garibaldi.
It-triq ingħalqet temporanjament għat-traffiku u fuq il-post issejjaħ id-Dipartiment tal-Protezzjoni Ċivili biex jitfi n-nirien.
Is-sewwieqa ilmentaw fuq l-midja soċjali li kienu mwaħħlin fit-traffiku fiż-żona għal mill-inqas 30 minuta.
Sad-9.15 ta’ filgħodu, it-triq kienet reġgħet infetħet għat-traffiku.
