Raġel ta’ 54 sena residenti Ħad-Dingli ittieħed l-Isptar Mater Dei wara li weġġa’ f’inċident tat-traffiku fi Triq Dawret il-Gudja, il-Gudja.
L-inċident seħħ għall-ħabta tas-1:30pm u mill-ewwel stħarriġ irriżulta li r-raġel li kien qiegħed isuq mutur tal-għamla KTM 390 Duke, tilef il-kontroll u waqa’ minn fuq l-istess mutur.
Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li
weġġa’ gravi.
L-investigazzjonijiet tal-Pulizija għadhom għaddejjin.
