“L-ajkla tirrapreżenta s-saħħa u l-vittorja”
Hekk sostna magħna Juan Barnabé l-bniedem li ħajtu kollha hi mdawra ma din il-ħlejqa, meqjusa bħala r-reġina tas-sema. L-akjla il-maskot ewlieni tat-team Taljan S.S Lazio.
Dan l-avveniment ġie imtella’ minn Lazio Supporters Club Malta flimkien ma’ Dar Bjorn f’attività imtellgħa bil-għan li jinġabru flus għal istess Dar Bjorn, kif ukoll bħala mument uniku għal Bjorn innifsu u għal bosta partitarji ta’ Lazio f’pajjiżna.
Dar Bjorn f’Ħaż-Żebbuġ inbidlet f’mużew li jfakkar it-team ta’ Lazio. F’wirja dwar l-istorja u l-preżent ta’ dan it-team Taljan, b’bosta flokkijiet ta’ plejers varji li lagħbu u sawru l-istorja tal-bianocelesti.
Fost il-partitarji ta’ Lazio kien hemm ukoll bosta nies li attendew sabiex jaraw din il-wirja imtella’ u wara kollox l-ajkla tant popolari, mascot ewlieni tat-team ta’ Lazio.
Net News tkellem mal-falkunier Juan Barnabè, l-persuna li ilu jieħu ħsib din l-istess ajkla sa mill-2010, u sostna magħna li din hija l-ewwel darba li l-ajkla tinsab barra mill-Italja u kompla jgħid li huwa unur għalih li jinsgħab ġewwa Malta għal din l-okkażjoni speċjali.
Barnabè spjega li l-ajkla tirrapreżenta s-saħħa u l-vittorja, u għalekk ukoll kienet ir-raġuni li din it-tajra majestuża hi waħda mis-simboli ewlenin tal-Imperu Ruman. SS Lazio huwa team bi storja kbira fil-kapitali Ruma, u b’hekk ukoll il-konnesjoni mal-ajkla.
Preżenti kien hemm ukoll Toni Malco, l-awtur tal-innu ta’ Lazio “Vola Lazio Vola” kif ukoll Velia u Alan Donati mart u iben il-mibki Aldo Donati, awtur tal-innu maħbub tal-biancocelesti “So Gia’ Du Ore”.
Preżenti wkoll għal din l-attivitá kien hemm ix-Shadow Minister Nazzjonalista Charles Azzopardi.
