Dalgħodu, mijiet ta’ professjonisti fiċ-Ċentri tas-Saħħa sebħu bi problema serja immens. Dan wara li weħlet is-sistema tar-rekorks tal-appuntamenti u l-medical history (EPR).
Skont diversi sorsi li tkellmu magħna, il-kuntrattur mhux jitħallas u beda jhedded li jagħmel unplugging tas-sistema. Bir-riskju li jekk ma jintlaħaqx ftehim setgħu jintilfu l-appuntamenti kollha li saru fil-Primary Health Care.
Fil-fatt, għax xi sigħat, il-professjonisti kienu qed jaraw biss każi ta’ emerġenza.
Din is-sitwazzjoni serja fil-kliniċi kienet qed taffettwa lill-professjonisti kollha li jużaw l-IT system tas-saħħa.
Dan is-sit jinsab infurmat li kien hemm ħafna tgergir fost il-professjonisti għax ma setgħux jaċċessaw dak kollu li jkunu kitbu fuq il-pazjenti fil-visti ta’ qabel.
Eventwalment, is-sistema ġiet lura għall-ħabta tal-11:30am.
