€107,558.
Huwa dan l-ammont li qed jaqla’ bħala pagi f’sena, il-Kummissarju tal-Pulizija Angelo Gafà. Informazzjoni li l-Ministru Byron Camilleri prova jżomm mistura.
L-informazzjoni turi illi Angelo Gafà jaqla’ aktar minn 60 elf ewro f’allowances li jinkludu; performance bonus, car allowance, disturbance allowance, police force allowance, expense allowance, communications allowance, training allowance, responsibility allowance u project-base allownce.
Dawn kollha apparti is-salarju bażiku tiegħu ta’ aktar minn 46 elf ewro. Bl-ammont totali jkun dak ta’ 107,558 ewro – cioè – kważi 9 elef ewro fix-xahar.
Minkejja din l-informazzjoni – illi pprovda hu stess – il-Ministru u l-midja tal-Partit Laburista qed isejjħu din l-aħbar bħala ‘fake news’.
Il-Kummissarju tal-Pulizija Angelo Gafà kien maħtur mill-Prim Ministru Robert Abela lura fl-2020, għal 4 snin.
U bosta appellaw sabiex il-Kummissarju jinbidel wara numru ta’ skandli li ħatfu lill-pajjiżna u li Gafà baqa’ ċass quddiemhom.
Minkejja dan, il-Prim Ministru flimkien mal-Ministru tal-Intern Byron Camilleri ġeddew il-kuntratt ta’ Angelo Gafà għal 4 snin oħra – cioè sal-2028, u issa qed iħallsuh aktar minn 100 elf ewro fis-sena.
