Is-Sibt fil-kumpless tal-isport tal-Kottonera saret il-finali 2024 tas-Super Cup organizzata mill-Malta Volleyball Association. Din kienet bejn iċ-champions Swieqi Phoenix Nium u Falcons. Kienu Swieqi li temmew rebbieħa f’logħba kumbattuta u bilanċjata bl-iskor ta’ 3-2. Din kienet ir-raba’ sena konsekuttiva li Swieqi rebħu din il-kompetizzjoni. Madankollu kienu Falcons li fetħu tajjeb u kienu żewġ sets minn fuq meta rebħuhom it-tnejn bl-iskor ta’ 23 għal 25. Swieqi għamlu rimonta tajba biex eventwalment ħarġu rebbieħa 3-2.
Fi tmiem il-finali, Branko Vlahovic, uffiċjal tal-Assoċjazzjoni Maltija tal-Volleyball, ippremja lill-players u coaches ta’ Swieqi mmexxija mill-head coach Leonard Zammit Munro.
Fl-uniku partita mis-Super League li saret il-Ħadd kienu Birkirkara li rebħu lil Flyers 3-0.
Ir-riżultati kollha
Is-Sibt
U19
Flyers vs BKVC Vixens 0-3
Super Cup
Swieqi Phoenix NIUM vs Falcons 3-2
Il-Ħadd
U17
BKVC Thunder Spikes vs Depiro Blue 0-3
BKVC Storms vs Depiro Gold 3-0
Swieqi Phoenix Block N Roll vs Swieqi Phoenix Volley Maniacs 3-0
Paola Maypole vs Falcons VC 3-0
Super League
Flyers VC vs Birkirkara VC 0-3
