“Dan huwa ż-żmien li fih jeħtieġ jittieħdu deċiżjonijiet li jiżguraw il-prosperità tal-Unjoni tagħna għall-ġenerazzjonijiet futuri”.
Kliem il-President tal-Parlament Ewropew Roberta Metsola meta indirizzat lill-Kamra tad-Deputati Taljana, fl-okkażjoni tal-Kommemorazzjoni tas-70 anniversarju mill-mewt ta’ de Gasperi….fejn spjegat il-pjan li għandha timxi fuqu l-ewropa.
Il-President Metsola qalet ukoll illi l-Istati Membri jridu jagħmlu aktar biex jikkultivaw kultura ta’ fiduċja u solidarjetà. Fejn saħqet illi dawn huma l-prinċipji li fuqhom hija msejsa ż-Żona Schengen.
Fid-diskors tagħha hija qalet ukoll li l-ebda stat membru m’għandu jħoss li qed jitħalla waħdu biex jittratta kwistjoni li teħtieġ li tiġi ndirizzata b’mod Ewropew.
Fiż-żjara li għamlet f’Ruma, l-President Metsola kellha laqgħa mal-Prim Ministru tal-Italja Giorgia Meloni filwaqt li ġiet intervistata wkoll fil-programmi ewlenin ta’ Rai Uni ‘Cinque Minuti’ u anke ‘Porta a Porta’.
