Speċjalment f’dawn il-jiem rajt verament rikonoxxenza mingħand diversi nies.
Hekk stqarr ma’ Net News Fr Hillary Tagliaferro fil-jum li fih iċċelebra għeluq sninu – patri li dejjem kien innovattiv u li qatt ma żamm lura milli jagħmel affarijiet li kienu xi ftit jew wisq kontroversjali.
Net News iltaqa’ ma’ Fr Hillary proprju fil-Millenium Chapel, li tinsab f’Paceville, binja li hu jemmen kellha tinfetaħ fis-snin 80.
Fr Hillary, li issa għalaq 90 sena, spjega kif din il-Knisja tilqa’ lil kulħadd, nies ta’ twemmin differenti u ta’ kulturi differenti.
Apparti s-servizz tal-counsilling, il-Milleniim Chapel toffri ħafna servizzi oħra fosthom ikel f’kull ħin tal-ġurnata, te u kafè għal min verament huwa fil-bżonn.
Dan apparti li darbtejn fil-ġimgħa, it-Tlieta u l-Ħamis, tiftaħ ukoll il-love kitchen li toffri ikel lil homeless u refuġjati anke jekk dawn ma jidħlux fil-kappella.
Ma’ Fr Hillary tkellimna wkoll dwar id-diversi rwoli li hu serva fihom.
Kien hawn fejn Net News staqsa lil Fr Hillary jekk jaqbilx li l-Knisja tibda taċċetta li l-patrijiet ikollhom l-għażla li jiżżewġu.
Intant, qabel ma temm din l-intervista, Fr Hillary għadda wkoll messaġġ ta’ tama lil dawk kollha li possibbilment għaddejjin minn xi diffikultà.
