Il-programm PROFILI tal-lejla se jkun qed jospita lil Ray Calleja, fejn se jkun qed jeħodna fuq miġja mill-isbaħ li ħafna drabi aħna konna nesperjenzaw siltiet minnha meta narawh fuq il-palk jew fuq it-televiżjoni.
Bħal kull edizzjoni tal-programm, se nagħmlu minn kollox biex insiru nafu mill-qrib lil Ray Calleja u anki l-karattri li kien iħaddan fl-ispettaklu li kien jagħti. Żgur mhux forsi jispikka l-karattru Frankie Quattromani.
PROFILI bi produzzjoni u preżentazzjoni ta’ James Aaron Ellul u muntaġġ ta’ Beverly Abela, illejla fit-8.30pm fuq NET TV.
