‘Ninsabu fit-triq it-tajba’ – Myles Beerman, Sliema Wanderers

‘Kienet logħba importanti ħafna għalina, wara kollox bħalma huma l-logħbiet kollha għax dejjem qisek qed tilgħab finali.’ Dawn kienu l-ewwel kummenti tal-midfielder ta’ Sliema Wanderers Myles Beerman wara r-rebħa li t-tim tiegħu kiseb kontra ċ-Champions Ħamrun Spartans. Beerman kompla hekk: ‘Għamilna ġimgħa naħdmu fuq din il-logħba fejn mertu jrid jingħata lil kulħadd. Nemmen li ninsabu fit-triq it-tajba. Jekk nibqgħu naħdmu kif qegħdin il-futur huwa wieħed sabiħ.’

‘Għamilna dak kollu possibbli’

• Alessandro Zinnari, kowċ Ħamrun S. FC

‘L-ewwel nett irrid li nifraħ lil Sliema Wanderers tar-rebħa u t-tliet punti li kisbu. Tim tajjeb u li għandu players ta’ kwalità.’ Kliem il-kowċ ta’ Ħamrun Spartans eżattament wara l-konfront kontra Sliema W. Huwa kompla jżid: ‘ Min naħa tagħna għamilna dak kollu possibbli biex forsi tal-anqas nieħdu draw minn din il-logħba. Bħalissa huwa mument delikat ħafna għalina fejn anqas ninsabu ċerti jekk hux ser inkunu mal-ewwel sitta. Sfortunatament l-iskwadra tinsab milquta minn diversi injuries fejn anki llum komplejna nżidu ma’ dawk li diġà hemm.  Iżda rridu nkomplu l-ġlieda tagħna sal-aħħar.’

Ritratt: Joseph Galea

TIM TAL-ĠIMGĦA

Goalkeeper: Matthias Debono (Naxxar Lions)

Difensuri: Kurt Shaw (Hibernians), Agustin Sandona (Birkirkara), Murilo Freire (Sliema Wanderers), Clayton Failla (Mosta), Myles Beerman (Sliema Wanderers)

Midfielders: Cain Attard (Birkirkara), Dunstan Vella (Floriana), Alexander Satariano (Birkirkara)

Attakkanti: Jurgen Degabriele (Hibernians), Franklin Sasere (Floriana)

LOGĦOB LI JMISS

Il-Ġimgħa, 1 ta’ Novembru. 2024

Tony Bezzina Stadium

6.00pm            Floriana vs Sliema W.

8.30pm            Balzan vs Hibernians

Is-Sibt, 2 ta’ Novembru, 2024

Tony Bezzina Stadium

3.00pm            Ħamrun S. vs M’Xlokk

5.30pm            Gżira Utd. vs Żabbar SP

Centenary Stadium

7.00pm            Melita vs Mosta

Victor Tedesco Stadium

7.00pm            B’Kara vs Naxxar L.