Raġel ingħata sentenza sospiża għal erba’ snin wara li nqabad ixerred materjal pornografiku estrem tat-tfal. Il-Korp tal-Pulizija ġie nnotifikat miċ-Ċentru Nazzjonali għat-Tfal Neqsin u Sfruttati (NECMEC) ibbażat fl-Istati Uniti fuq il-profil online tal-akkużat.
L-akkużat, Munit Shahid, żagħżugħ ta’ 29 sena, mir-Rabat kien bagħat filmat indiċenti ta’ minuri lil persuna oħra. L-email u n-numru tal-mowbajl ġew skoperti u ġie sottomess mandat għall-arrest tal-akkużat.
Saret tfittxija, u ġie skopert materjal pornografiku estrem li fih it-tfal dehru jidhru f’materjal bħal dan. L-akkużat wieġeb ħati tal-akkużi miġjubin kontrih. Il-Qorti, ippreseduta mill-Maġistrat Noel Bartolo, ikkundannat lir-raġel għal sentejn ħabs, sospiżi għal erba’ snin. Il-Qorti ordnat ukoll li l-isem tar-raġel jitpoġġa fuq il-lista tal-pedofeli.
Għall-akkużat dehret l-Avukat Tiziana Micallef, filwaqt li l-Ispettur Marcus Cachia mexxa l-prosekuzzjoni.
