L-NBA qalet li qed tinvestiga każ li seħħ bejn il-plejer ta’ Philadephia 76ers Joel Embiid u ġurnalista.
Jidher li Embiid attakka lil ġurnalista wara li f’artiklu semma lit-tifel tiegħu u lil ħuh kif ukoll kritika l-professjonalità tal-atleta. L-inċident seħħ wara li t-tim tiegħu tilef kontra Memphis Grizzlies. Rapporti internazzjonali qalu li Embiid imbotta lill-ġurnalista qabel ma kienu mwaqqfa mill-membri tas-sigurtà.
Embiid kien inkluż fl-NBA All-Star għal seba’ darbiet u fl-2023 rebaħ l-Most Valuable Player. Dan l-istaġun għadu ma lagħabx minħabba injury fl-irkoppa.
