Empoli kisbu rebħa importanti ta’ 1-0 kontra Como. Il-gowl deċiżiv wasal fis-47 minuta permezz ta’ Pietro Pellegri.
F’partita oħra, riżultat identiku meta Genoa għelbu lil Parma 1-0 barra minn darhom. F’din il-partita l-gowl li ddeċieda dan il-konfront wasal fid-79 minuta permezz ta’ Andrea Pinamonti.
F’partita oħra Lazio għelbu lil Cagliari 2-1. Boulaye Dia poġġa lil Lazio fil-vantaġġ wara żewġ minuti. Zito Luvumbo għamilhom 1-1 fil-41 minuta biex penalty ta’ Mattia Zaccagni fis-76 minuta għamel l-iskor 2-1.
