L-elezzjoni presidenzjali hi l-ewwel waħda fl-Istati Uniti mindu nqaleb id-digriet ‘Roe v Wade’ – ir-ruling li, minn wara l-1973, kien jiggarantixxi d-drittijiet għall-abort madwar il-pajjiż.
U filwaqt li l-Amerikani qed jivvutaw għall-Presidenza, l-issue tal-abort qed tingħata kull priorità minn segment indaqqas tal-elettorat.
Irrispettivament mill-battalja għall-White House, għexieren tal-miljuni ta’ votanti f’Montana, Arizona, Missouri, Nebraska, Colorado, Florida, Maryland, Nevada, New York u South Dakota qed ikunu mitluba dwar kif l-Istat tagħhom għandu jirregola l-abort.
Dan meta stħarriġ kummissjonat min-New York Times/Siena College issuġġerixxa li l-abort hu fost l-aktar erba’ issues kruċjali għall-votanti – wara l-ekonomija, l-immigrazzjoni illegali u s-sigurtà domestika.
Fil-ftt, l-abort hu anki l-aktar issue importanti fost in-nisa u l-votanti żgħażagħ…Dan ukoll meta l-abort sar l-aktar issue importanti għan-nisa Amerikani taħt it-30 sena – u meta qed jingħata importanza daqs l-issue tal-inflazzjoni li qed tħasseb lill-maġġoranza tal-poplu fl-Istati Uniti.
