Iktar riżultati bdew deħlin hekk kif issa l-postijiet ta’ votazjoni fil-‘battle-ground states’ uffiċjalment għalqu, bir-riżultati minn ħin għal ieħor jibqgħu deħlin.
S’issa jidher li Donald Trump irnexxielu jikkonferma rebħa fl-Istati ta’ Ohio, Texas u Florida, apparti rebħit b’saħħithom fi Stati oħrajn li huma meqjusin fortizza tar-Republikani.
Trump bħal issa għandu 195 punt elettorali fl-‘electoral college’. Dan apparti vantaġġi minimi fl-Istati meqjusa ‘battle-grounds’ ta’ Georgia u North Carolina.
Min naħa l-oħra Kamala Harris irnexxiela tirbaħ l-Istati ta’ New York, Illinois u anke Colorado, fost Stati oħra ikkonfermati għal Viċi President.
Harris b’hekk issa għandha 117 il-punt elettorali fl-‘electoral college’ dan fost vantaġġi fl-Istat tant importanti ta’ Pennsylvania. Stat meqjus bħala wieħed deċisiv għal rebħa elettorali.
