Il-Kumitat Olimpiku Malti ħabbar il-programm uffiċjali għat-tieni edizzjoni tal-Malta Invitational Games, li se tinkludi l-parteċipazzjoni ta’ aktar minn 200 atleta minn 16-il nazzjon.
Din is-sena, il-Logħob se jiffoka fuq il-kategoriji Taħt il-15 u Taħt it-18-il sena.
| Il-Ġimgħa 8 ta’ Novembru | |||
| 1430 | Badminton | Singles Events | Santa Lucia Secondary School |
| 1830 | Waterpolo | Malta B vs Cyprus | National Pool, Tal-Qroqq |
| 1945 | Waterpolo | Malta A vs Rari Nantes Cagliari | National Pool, Tal-Qroqq |
| Is-Sibt 9th November | |||
| 0900 | Badminton | Doubles Events | Santa Lucia Secondary School |
| 0900 | Taekwondo | Cadets & Juniors | National Sport School, Pembroke |
| 1730 | Waterpolo | Rari Nantes Cagliari vs Cyprus | National Pool, Tal-Qroqq |
| 1845 | Waterpolo | Malta A vs Malta B | National Pool, Tal-Qroqq |
| Sunday 10th November | |||
| 0900 | Badminton | Mixed Events | Santa Lucia Secondary School |
| 0900 | Waterpolo | Malta B vs Rari Nantes Cagliari | National Pool, Tal-Qroqq |
| 1015 | Waterpolo | Malta A vs Cyprus | National Pool, Tal-Qroqq |
| 1500 | Swimming | Avvenimenti Kollha | Cottonera Pool Complex |
Id-dħul għall-kompetizzjonijiet kollha huwa b’xejn.
Id-Direttur tal-Isport tal-Kumitat Olimpiku Malti (KOM), Charlene Attard, irrimarkat li t-tieni edizzjoni ta’ dawn il-Logħob huma mal-linja tal-viżjoni tal-KOM li jżid l-opportunitajiet ta’ livell internazzjonali sabiex l-atleti żgħar – b’potenzjal biex javvanzaw għal Skemi Elite – ikollhom pjattaforma kompetittiva usa’.
‘L-investiment fiż-żgħażagħ tagħna huwa kritiku biex niżguraw li ntellgħu l-livell u nilħqu l-għanijiet fit-tul’, ikkonkludiet Attard.
Ċipru kien rebaħ l-ewwel edizzjoni tal-Logħob fl-2022 u spiċċa fl-ewwel post bil-20 midalja, 12-il deheb, 2 fidda u 6 bronż. Malta segwiet fit-tieni post b’total ta’ 25 midalja – 7 deheb, 10 fidda u 8 bronż. L-ewwel edizzjoni kienet tinkludi tliet dixxiplini – bowling, taekwondo u triathlon.
Il-Malta Invitational Games qegħdin jiġu organizzati bl-appoġġ ta’ SportMalta, l-Aquatic Sports Association of Malta, Badminton Malta, il-Malta Taekwondo Association, in-National Lottery, l-APS Bank, u General Soft Drinks.
