F’ġurnata oħra ta’ logħob taċ-Champions League, Real Madrid ġew megħluba f’darhom minn Milan, waqt li Juventus kellhom jikkuntentaw bi draw hekk kif tilfu wkoll Manchester City.
Real Madrid 1 Milan 3
F’Santiago Bernabeu partita mill-aqwa minn Milan fir-rebħa barra minn darhom.
Kien Malick Thiaw li minn azzjoni ta’ Christian Pulisic għeleb lil Lunim biex poġġa lil Milan fil-vantaġġ b’gowl fit-12-il minuta. Vinicius Jr minn penalty għeleb lil Mike Maignan u għamel l-iskor indaqs fit-23 minuta. Reazzjoni minn Milan fejn Alvaro Morata fid-39 minuta reġa’ poġġa lil Milan fil-vantaġġ minn azzjoni ta’ Rafael Leao . Skor ta’ 2 – 1 fi tmiem l-ewwel taqsima.
Tijani Reijnders għalaq il-partita fit-73 minuta meta minn azzjoni ta’ Leao għeleb lil Andrij Lunin. Fil-81 minuta gowl ta’ Antonio Rudiger għal Real Madrid ma kienx ikkonvalidat bil-VAR.
Sporting Lisbon 4 Manchester City 1
Telfa kbira xejn mistennija minn Manchester City barra minn darhom minkejja li kienu marru fil-vantaġġ wara li Phil Foden fetaħ l-iskor fl-ewwel erba’ minuta logħob.
Sporting għamlu l-iskor indaqs b’gowl ta’ Gyokeres skorjat fit-38 minuta. Fil-bidu tat-tieni taqsima Sporting marru fil-vantaġġ permezz ta’ Araujo . Tliet minuti wara kien Gyokeres li minn penalty għamel l-iskor 3 – 1 . L-istess Gyokeres skorja t-tielet gowl personali meta mit-tieni penalty tal-partita, fil-81 minuta għamel l-iskor 4 – 1 .
Lille 1 Juventus 1
F’partita miftuħa għal kull riżultat kien Jonathan David li fis-27 minuta minn azzjoni ta’ Eden Zhegroba għeleb lil Michele di Gregorio biex l-ewwel taqsima poġġa lil Lille fil-vantaġġ għall-uniku gowl matul l-ewwel taqsima.
B’Juventus aktar fil-partita fis-60 minuta, kien Dusan Vlahovic li minn penalty għeleb lil Lucas Chevaliex biex għamel l-iskor indaqs .
Liverpool 4 Bayer Leverkusen 0
Tkompli s-serje pożittiva ta’ Liverpool fiċ-Champions League b’rebħa li mmaturat fit-tieni taqsima.
Fil-61 minuta minn azzjoni ta’ Curtis Jones, kien LUIS DIAZ li poġġa lil Liverpool fil-vantaġġ. Żewġ minuti wara minn pass ta’ Mohammed Salah, kien CODY GAKPO li għeleb lil Lukas Hradecky għat-2 – 0 . Ebda reazzjoni minn Bayer Leverkusen li fit-83 minuta sofrew it-tielet gowl skorjat minn LUIS DIAZ minn azzjoni ta’ Salah, sabiex fit-92 minuta LUIS DIAZ skorja t-tielet gowl personali u għalaq il-partita 4 – 0
