‘Logħba tattika u b’ħafna dettal’ – Darren Abdilla, kowċ Floriana FC

‘Bħala pożizzjoni ma nbidel xejn fil-klassifika. Kienet logħba wisq tattika u b’ħafna dettalji. Logħba li żgur ma’ kenetx sabiħa għall-ispettatur.’ Dawn kienu l-ewwel kummenti tal-kowċ ta’ Floriana Darren Abdilla wara d-draw ta’ mingħajr gowls kontra r-rivali eterni Sliema W. Abdilla kompla: ‘Konna milquta minn diversi injuries u b’hekk ma kienx hemm ħafna options minn fuq il-bank. Ovvja ma rridux nikkuntentaw b’punt iżda kienet logħba kontra tim tajjeb ħafna. Issa jmissna logħba kontra l-leaders Birkirkara li jinsabu għaddejjin minn forma eċċellenti. Iżda rridu nkunu pożittivi u fejn għandi fiduċja fl-iskwadra li għandi, fejn il-punti jintrebħu fil-ground u mhux f’dak li naħsbu.’

‘Qed noħolqu ħafna iżda nonqsu li niskurjaw’

• Paul Zammit, kowċ Sliema W. FC

‘L-għan tagħna kienu t-tliet punti u jekk inħares lejn ir-riżultat finali ma nkunx sodisfatt.’ Din kienet l-ewwel reazzjoni tal-kowċ ta’ Sliema Wanderers Paul Zammit fi tmiem il-partita kontra Floriana. Huwa kompla jelabora aktar. ‘Fl-ewwel taqsima konna dominanti iżda fit-tieni ħamsa u erbgħin minuta twalna wisq u dan kien ta’ benefiċċju għall-avversarji li daħlu aktar fil-logħba. Qed noħolqu ħafna okkażjonijiet ta’ skor imma mhux qegħdin nisfruttaw l-azzjonijiet f’gowls. Fadlilna logħba kontra Naxxar Lions li hija partita oħra diffiċli. Dan l-istaġun kull tim huwa ppreparat ħafna fejn ser nilagħbu kontra tim kompatt ħafna. Irridu nkunu lesti għad-diffikultajiet li jafu joħolqu Naxxar. Nispera li jirnexxilna nirkupraw xi player li jinsabu barra biex inkunu aktar b’saħħitna.’

Pawlu Zammit, kowċ ta’ Sliema Wanderers.

TIM TAL-ĠIMGĦA

Goalkeeper: Christoffer Mafoumbi (Floriana)

Difensuri: Alfred Silas (Hibernians), Nikolai Micallef (Naxxar Lions), Kurt Shaw (Hibernians)

Midfielders: Thaylor Aldama (Gżira United), Nathan Agius (Mosta), Bjorn Kristensen (Hibernians), Wescley Matos (Sliema Wanderers)

Attakkanti: Yuri Messias (Marsaxlokk), Maxuell Maia (Birkirkara), Alex De Paixao (Gżira United)

LOGĦOB LI JMISS

L-Erbgħa 6 ta’ Novembru. 2024

Tony Bezzina Stadium

6.00pm            Żabbar SP vs Melita

8.30pm            Mosta vs Balzan

Il-Ħamis, 7 ta’ Novembru, 2024

Tony Bezzina Stadium

6.00pm            M’Xlokk vs Hibernians

8.30pm            Naxxar L. vs Sliema W.

Victor Tedesco Stadium

6.00pm            Gżira Utd vs Ħamrun S.

Stadium Nazzjonali

8.30pm            B’Kara vs Floriana