Manchester United 2 PAOK 0
F’Old Trafford żewġ gowls fit-tieni taqsima, it-tnejn skorjati minn Diallo, kienu biżżejjed biex kisbu riżultat pożittiv f’partita tal-Europa League, li Manchester United iddominaw għal ħinijiet twal. Fil-50 minuta minn azzjoni ta’ Bruno Fernandez kien AMAD DIALLO li għeleb lil Dominik Kotarski. Reazzjoni sterili minn PAOK b’Onana rari jkun impenjat sabiex fis-77 minuta kien mill-ġdid DIALLO li għeleb lil Kotarski u għalaq il-partita.
Lazio 2 Porto 1
Fi Stadio Olimpico, f’logħba oħra tal-Europa League, Lazio marru fil-vantaġġ fil-ħames minuta ta’ ħin miżjud fl-ewwel taqsima. Minn azzjoni ta’ Valentin Castellanos, kien ALESSIO ROMAGNOLI li għeleb lil Diogo Costa. Fis-66 minuta l-iskor sar 1 – 1 wara li STEPHEN EUSTAQUIO minn azzjoni ta’ Wenderson Galeno, għeleb lil Christos Mandas. Il-gowl tar-rebħa għal Lazio kien skorjat fit-92 minuta permezz ta’ PEDRO RODRIGUEZ minn azzjoni ta’ Gustav Isaksen
Union St.Gilloise 1 Roma 1
Ma kien hemm ebda gowl matul l-ewwel taqsima f’din il-partita. Fit-62 minuta, Roma marru fil-vantaġġ permezz ta’ GIANLUCA MANCINI li minn azzjoni ta’ Lorenzo Pellegrini għeleb lil Anthony Moris. Kien hemm reazzjoni minn Union Sr.Gilloise li fis-77 minuta kisbu l-gowl tad-draw. Minn pass ta’ Charles Vanhoutte kien KEVIN Mc ALLISTER li għeleb lil Mile Svilar għal 1 – 1.
Olympiakos 1 Glasgow Rangers 1
0 – 0 fi tmiem l-ewwel taqsima. Fil-56 minuta Olympiakos fil-vantagg permezz ta’ AYOUB EL KAABI li minn azzjoni ta’ Chiquinho għeleb lil Jack Butland. Reazzjoni immedjata minn Rangers li tmien minuti wara kisbu l-gowl tad-draw. Minn azzjoni ta’ Vaclav Cerny kien CYRIEL DESSERS li għeleb lil Kostantinos Tzolakis
