Lija Athletic u Santa Margherita Futsal laħqu lil Zero Sei fil-quċċata tal-klassifika tal-Enemed Women’s Futsal League.
Lija kisbu l-ikbar rebħa tal-ġurnata meta għelbu lil Iklin bl-iskor kbir ta’ 12-1. Juciela Vale skorjat erba’ gowls, Leanne Micallef tliet gowls, Ruth Steer Cheetham żewġ gowls filwaqt li Eliana Gialanze, Claudette Xuereb u Katryna Grech skorjaw gowl kull wieħed. Sarah Grech skorjat l-uniku gowl għal Iklin.
Referees kienu Jonathan Balzan u Sara Kankaras.
Santa Margherita iddominaw il-konfront li kellhom kontra Parr Mela u rebħu 8-2. Edera Marmara u Kirsty Paris skorjaw tliet gowls kull wieħed filwaqt li Estefany Calmenasec skorjat żewġ gowls għal Santa Margherita.
Referees kienu Andrea Naudi u Stefania Bonnici.
Swieqi United Women’s Futsal LEC 07 kisbu l-ewwel rebħa tagħhom tal-istaġun wara li għelbu lil Mtarfa 5-0. Vanessa Honorio Carnerio skorjat erba’ gowls u gowl minn Amy Abdilla .
Referees kienu Andrew Naudi u Sara Kankaras.
