L-attakkant ta’ 20 sena Shaisen Attard u l-midfielder ta’ 28 sena Matias Garcia ġew imsejħa mal-iskwadra tat-tim nazzjonali Malti għaż-żewġ partiti li jmiss f’dawn il-ġranet li ġejjin, bil-Maltin jaffrontaw lil Liechtenstein f’partita ta’ ħbiberija l-Ħamis 14 ta’ Novembru, kif ukoll l-aħħar partita kruċjali mill-UEFA Nations League kontra Andorra t-Tlieta 19 ta’ Novembru.
Attard kiseb il-promozzjoni mill-iskwadra ta’ taħt il-21 sena hekk kif se jkun qiegħed jieħu post Dyan Scicluna li weġġa’ fl-aħħar partita tiegħu ma’ Western Sydney Wanderers, filwaqt li Garcia se jkun qiegħed jieħu post Ryan Scicluna ta’ Marsaxlokk .
