Din is-sena, il-Prinċipessa ta’ Wales se tospita l-kunċert tagħha tal-għanjiet tal-Milied bit-tema tkun “kemm għandna bżonn lil xulxin, speċjalment fl-aktar żminijiet diffiċli ta’ ħajjitna”.
Il-kunċert, li sar avveniment ta’ festa annwali, se jsir fis-6 ta’ Diċembru, f’Westminster Abbey, bħala parti mir-ritorn tagħha għad-dmirijiet pubbliċi wara li spiċċat it-trattament tal-kimoterapija tagħha aktar kmieni din is-sena.
F’Settembru, il-Prinċipessa kienet qalet li hi se tagħmel minn kollox biex “tibqa’ ħielsa mill-kanċer”.
Il-ġimgħa li għaddiet, il-Prinċep William iddeskriva kif is-sena li għaddiet kienet “brutali” u x’aktarx “l-iktar sena iebsa f’ħajtu”, b’missieru, ir-Re Charles, ukoll irċieva kura għall-kanċer.
Din se tkun ir-raba’ darba li Kate ttella’ dan il-kunċert, appoġġjat mill-Fondazzjoni Rjali.
Madwar 1,600 persuna se jkunu mistiedna sabiex ikantaw u jaraw wirjiet mużikali.
