Fl-aħħar ġurnata tal-Kampjonati tad-Dinja tal-Blackball, fil-finali tal-kategorija individwali tal-irġiel, suċċess għal Lydan Debono li fil-finali tal-Kampjonati għeleb lil Dean Shields tal-Ingilterra 10-5.
Fil-bidu tal-finali, Dean Shields fetaħ il-finali b’vantaġġ ta’ żewġ frames. Reazzjoni minn Debono li rebaħ ħames frames konsekuttivi biex mar 5 – 2 fil-vantaġġ. Shields rebaħ it-tmien frame għal 5 – 3, b’Lyden Debono jirrispondi bi tliet frames konsekuttivi għal 8-3.
Fl-aħħar fażi alternaw b’Shields jirbaħ żewġ frames bejn id-disa’ frame ta’ Debono. Il-ħmistax-il frame mirbuħ minn Lyden Debono sabiex għalaq il-finali 10 – 5 u sar champion tad-dinja għall-ovazzjoni tal-attendenza kbira preżenti għal finali.
