F’Wembley Stadium ħames gowls fit-tieni taqsima taw rebħa komda ta’ 5-0 għall-Ingilterra fuq l-Irlanda fl-aħħar partita fit-tmexxija tat-tim Ingliż għall-kowċ interim Lee Carsley. Wara li l-ewwel taqsima intemmet mingħajr gowls, fil-51 minuta l-Irlanda spiċċaw b’għaxar plejers meta tkeċċa Liam Scales. Mill-ħdax-il metru Harry Kane ma żbaljax għal 1-0. Tlieta minuti wara Anthony Gordon skorja l-ewwel gowl tiegħu mat-tim nazzjonali u żewġ minuti għamel l-istess Conor Gallagher. It-tim Ingliż skorjaw ir-raba’ u l-ħames gowls fis-76 u fid-79 minuta, meta Jarrod Bowen u Taylor Harwood Bellis ukoll skorjaw l-ewwel gowls tagħhom għat-tim nazzjonali Ingliż.
