Tħabbret il-mewt tal-eks ġurnalist tal-isport u amministratur MARIO MELI. Huwa kellu 84 sena. Imwieled fl-1940 fiż-żmien bħala student fil-Kulleġġ Stella Maris beda jipprattika l-atletika fejn sar champion lokali tat-800 metru u 1500 metru.Fl-1962 ingħaqad bħala korrispondent ma’ Rediffusion u wara ma’ Radju Malta u mill-1975 ma’ Television Malta fejn iritira fl-2015.
Ritratt: Mario Meli flimkien mal-gurnalisti Charles Camenzuli u Wilfred Sultana
Wieħed mill-membri fundaturi tal-Għaqda Kittieba Sports fl-1970 . Eks President tal-Għaqda Logħob għal Kulħadd, Malta Cycling Federation, Malta Billiards & Snooker Association u l-Malta Football Masters Association. Għal bosta snin kien membru tal-Eżekuttiv tal-Kumitat Olimpiku Malti. Bħala ġurnalist u kummentatur attenda bosta avvenimenti internazzjonali barra pajjiżna fosthom tlett edizzjonijiet tal-Logħob tal-Mediterran u żewġ edizzjonijiet tal-Logħob tal-pajjizi Zgħar.
Kien editur tal-ġazzetta ta’ kull ġimgħa Panorama Sports u tal-annwal Arena Sportiva. Fl-2007 iddaħħal fil-Hall of Fame tal-Għaqda Ġurnalisti Sports u fl-2022 kien iddaħħal fil-Hall of Fame tal-Kumitat Olimpiku Malti.
