Numru ta’ persuni inklużi tfal sfaw midruba wara li karozza saqet għal fuq folla ta’ nies li kienet miġbura biswit skola primarja fin-naħa tan-nofsinhar tal-provinċja Hunan.
S’issa għad m’ hemmx dettalji dwar fatalitajiet madanakollu qed jiġi rrapurtat li numru ta’ studenti u adulti weġġgħu hekk kif dawn spiċċaw mal-art bl-impatt tad-daqqa tal-karozza.
Ix-xuffier tal-vettura (SUV) inqabad mill-membri tas-sigurta u l-ġenituri stess li kienu fuq il-post u ingħata lill-Pulizija.
Dan huwa t-tielet attakk li sar fuq folla ta’ nies miġbura flimkien u għalhekk wassal għal tħassib kbir dwar is-sigurta pubblika fiċ-Ċina.
