Żiemel ieħor bl-isem ta’ Gloria Victus ġie rraportat nieqes wara li ma nstabx minn sidu fiz-zona tal-Magħtab.
Is-sid qal li sar rapport mal-Pulizija, bis-sitwazzjoni għadha mhix ċara jekk dan hux każ ta’ serq jew inkella li ħarab mill-post fejn jinżamm. L-appell ikun wieħed sabiex min għandu xi informazzjoni għandu jikkuntattja lill-Pulizija jew lis-sid immedjatament sabiex dan iż-żiemel jittieħed lura.
Dan huwa t-tieni każ tat-tip tiegħu wara li fl-aħħar jiem żewġt iżwiemel tal-Polo bl-isem ta’ Chili u Loucho, insterqu mill-padokk tal-Marsa. Iż-żwiemel jintgħarfu mill-krienera (mane) tagħhom li hija maqtugħa qasira.
Dawn iż-żewġt iżwiemel insterqu bejn il-Ħamis u l-Ġimgħa, b’biża’ li dawn ittieħdu biex jinqatlu għal-laħam tagħhom. Il-Malta Polo Club qed joffru €1,000 lil min jirritorna liż-żwiemel.
F’dan il-każ kull min għandu xi tip ta’ informazzjoni għandu jċempel lis-sid, Jeremy Besancon fuq 7928 9569.
