Il-bieraħ intlgħabu disa’ partiti oħra mill-UEFA Nations League. Malta kkuntentat bi draw ma’ Andorra u issa tistenna l-playoffs tal-kompetizzjoni, bit-tama li tirbaħ.
League A : Grupp 3
Bosnia & Herzegovina 1 Olanda 1
Ungerija 1 Ġermanja 1
League B : Grupp 1
Albanija 1 Ukrajna 2
Rep. Ceka 2 Ġeorġja 1
League B : Grupp 4
Montenegro 3 Turkija 1
Wales 4 Iżlanda 1
League C : Grupp 1
Slovakkja 1 Estonja 0
Żvezja 6 Azerbaijan 0
League D : Grupp 2
Malta 0 Andorra 0
Fl-Istadium Nazzjonali f’Ta’ Qali:
League D – Grupp 2 – Rawnd ta’ kwalifikazzjoni
Malta 0 Andorra 0
Fl-aħħar partita fil-Grupp, Malta naqset li tikseb it-tliet punti biex almenu tilħaq lil Moldova fl-ewwel post sabiex temmet din l-edizzjoni tal-UEFA Nations League bit-tama li titla’ fit-tielet kategorija billi tirbaħ il-playoff f’Marzu 2025.
Malta kienet fuq l-offensiva fil-11-il minuta, b’xutt ta’ Joseph Mbong minn azzjoni ta’ Trent Buhagiar.
Fis-17-il minuta daqqa ta’ ħarta għat-tim ta’ Davide Mazzotta wara li tkeċċa Gabriel Mentz b’karta ħamra diretta għal foul fuq Albert Rosas.
Andorra kellhom ċans biex jiskorjaw fis-27 minuta meta Rosas minn azzjoni ta’ Olivera, ra x-xutt tiegħu jaħbat mal-mimduda.
Fil-bidu tat-tieni taqsima, freekick ta’ Teddy Teuma li wara li twaqqa’ minn Eric De las Heras ra l-freekick tiegħu stess ikun imblukkat mid-difiża ta’ Andorra. Azzjoni ta’ Myles Beerman lejn Matthew Guillaumier bit-tentattiv salvat minn Alvarez.
Fil-65 minuta, Andorra setgħu marru fil-vantaġġ bix-xutt minn barra l-kaxxa ta’ Rosas, salvat minn Henry Bonello. Sitt minuti wara, Bonello reġa’ kien prominenti meta salva tentattiv ta’ Cervos.
Fid-89 minuta, Rosas fl-aħħar azzjoni tal-partita, kellu x-xutt angolat fil-baxx li għadda jħakkek mal-lasta ta’ Bonello.
Ir-referee tal-partita kien Luka Bilbija (Bosnija Herzegovina)
League A : Grupp 3
Bosnija Herzegovina 1 Olanda 1
Fid-29 minuta, l-Olanda marru fil-vantagg permezz ta’ BRIAN BROBBEY li minn azzjoni ta’ Noa Lang għeleb lil Martin Zlomislic. Riżultat ta’ 1 – 0 fi tmiem l-ewwel taqsima. Fid-69 minuta Bosnija Herzegovina meritatament kisbu l-gowl tad-draw permezz ta’ ERMEDIN DEMIROVIC li minn azzjoni ta’ Ediz Dzeko għeleb lil Mark Flekken għal 1 – 1
Ungerija 1 Germanja 1
Fil-Puskas Arena, f’Budapest, il-Ġermanja baqgħet mhux megħluba fil-grupp. Riżultat ta’ 0 – 0 fi tmiem l-ewwel taqsima. Fis-76 minuta l-Ġermanja marret fil-vantaġġ. Minn azzjoni ta’ Nico Schlotterbeck kien FELIX NMECHA li għeleb lil Denes Dibusz. Il-gowl tad-draw għall Ungerija wasal fid-99 minuta wara li minn penalty Dominik Szoboszlai għeleb lil Alexander Nubel.
League B : Grupp 4:
Cardiff City Stadium
Wales 4 Iżlanda 1
Wara tmien minuti l-Iżlanda fil-vantaġġ. Minn azzjoni ta’ Orri Oskarsson kien ANDRI GUDJOHNSEN li għeleb lil Danny Ward. Reazzjoni minn Wales li fit-32 minuta kisbu l-gowl tad-draw.Pass ta’ Brennan Johnson lejn LIAM CULLAN li għeleb lil Hakon Valdimarsson. Eżatt qabel tmiem l-ewwel taqsima kien mill-ġdid LIAM CULLAN li minn azzjoni ta’ Daniel James poġġa lil Wales fil-vantaġġ. Fil-65 minuta l-iskor sar 3 – 1 b’gowl ta’ BRENNAN JOHNSON minn azzjoni ta’ Cullan.Fis-79 minuta Wales kabbru l-iskor meta minn azzjoni oħra ta’ Cullan kien HARRY WILSON li għeleb lil Valdimirsson.
Estadio Alberto Jose’ Armando fi Buenos Aires
Argentina 1 Perù 0
Rebħa li permezz tagħha l-Argentina saħħet postha fl-ewwel post fil-klassifika b’25 punt fi tmiem it-12 il-gurnata b’mod li fetħet vantaġġ ta’ ħames punti fuq Urugwaj.
Il-gowl deċiżiv kien skorjat fil-55 minuta meta minn azzjoni ta’ Lionel Messi kien LAUTARO MARTINEZ li għeleb lil Pedro Gallese.
 | ReplyForwardAdd reaction |
