Biċċa opra ta’ arti ġiet mibjugħa għal $6.2 miljun waqt irkant tal-arti. Iżda, din l-opra ta’ arti mhix waħda komuni.
Banana friska mwaħħla mal-ħajt b’duct tape fuqha. Sempliċi! Iżda ġibdet l-attenzjoni ta’ ħafna fi New York.
Din il-biċċa ta’ arti, li ġabet l-isem ta’ Comedian, saret mill-artist Taljan Maurizio Cattelan.
In-nies preżenti ppruvaw jifhmu jekk il-frotta mwaħħla mal-ħajt kinitx ċajta. Iżda, f’ħin minnhom, artist ieħor ħa l-banana minn mal-ħajt u kielha.
