Kien il-Kap tal-PN Bernard Grech illi laqa’ fid-Dar Centrali lill-President tal-Partit Popolari Ewropew Manfred Weber, flimkien ma bosta personalitajiet ewlenin, li jinsabu b’pajjiżna għall-Assemblea tal-EPP.
F’kumment, li ta lil Net News Manfred Weber sostna li jinsab ferħan ħafna li qiegħed f’Malta partikolarment fid-Dar Ċentrali tal-Partit Nazzjonalista.
Hu faħħar l-impenn tal-Kap tal-Partit Nazzjonalista speċjalment wara r-riżultat tal-elezzjonijiet tal-MEPs f’Ġunju li għadda u l-akkwist ta’ siġġu fil-Parlament Ewropew.
Weber sostna li din l-assemblea hi ta’ importanza kbira sabiex il-Partit Popolari Ewropew ikompli jaħdem biex itejjeb il-ħajja tal-Ewropej – specjalement il-middle class.
Il-Kap tal-Partit Nazzjonalista minn naħa tiegħu laqa’ wkoll lill-Viċi President tal-Kummisjoni Ewropea Dubravka Šuica, fejn f’laqgħa bilaterali iddiskutew l-ikbar diffikultajiet li qed jolqtu lil Malta bħala pajjiż fil-Mediterran u fin-naħa t’isfel tal-Ewropa.
Suica fil-fatt se tkun il-Kummissarju l-ġdid … responsabbli mir-reġjun tal-Mediterran.
Preżenti għal din il-laqgħa bilaterali kien hemm ukoll l-MEPs Nazzjonalisti David Casa u Peter Aguis, flimkien mas-Segretarju Internazzjonali tal-PN Beppe Galea.
