Numru ta’ skejjel madwar Cornwall għażlu li jagħlqu l-bibien tagħhom għal ġurnata wara li l-borra li niżlet ħarbtet iz-zona kollha.
Il-Met Office ħareġ twissija ta’ borra li bdiet minn kmieni dalgħodu u għandha tibqa’ attiva sa mill-inqas it-3 pm. Bit-twissijiet jgħidu li dan it-temp kapaċi jkun ta’ riskju kbir għas-sewwieqa u b’hekk ħeġġu biex wieħed ma jsuqx u jekk jeħtieġu jagħmlu dan, jaħsbulu qabel sew.
Callington Community College, Pensilva School u St Breward Community Primary School huma fost l-iskejjel u postijiet oħra li ma fetħux għall-pubbliku.
Bliet fil-madwar qed jistennew bejn 2 u10 ċentimetru ta’ borra, b’dan l-ammont ta’ borra mhux wisq komuni f’numru ta’ zoni.
