Bosta delegati tal-Partit Popolari Ewropew minn madwar l-Ewropa żaru l-Palazz tal-Granmastru fi Pjazza San Ġorġ fil-Belt Valletta – żjara li saret l-Ġimgħa waranofsinhar, fejn numru ta’ mexxejja minn madwar u politiċi Ewropej kellhom iċ-ċans jieħdu togħma żgħira tal-istorja rikka ta’ pajjiżna.
Bil-gwida li kien qed jakkumpanja lill-mexxeja jispjega illi l-binja tal-Palazz għandha bosta ġrajjiet marbutin magħha…binja illi rat avvenimenti kbar f’pajjiżna fosthom.
Ġie spjegat ukoll illi Hertiage Malta, li hija l-entità responsabbli minn dan il-palazz, għandha madwar 45 sit u 25 mużew madwar pajjiżna.
Intant, f’din iż-żjara sar magħruf ukoll illi Hertiage Malta kisbet madwar 18 il-miljun ewro minn fondi Ewropej sabiex isir restawr fuq dan il-palazz fil-qalba tal-Belt.
Ir-restawr wassal biex f’ċertu kmamar kien hemm mas- 17-il faxxa dekorattiva li ħadu lura l-ħajja.
F’din iż-żjara l-mexxejja setgħu jżuru l-post li kien iservi bħala l-kamra tar-rappreżentanti sal-2015, u li issa saret mill-ġdid il-kamra tal-armerija, bil-membri tal-EPP iżuru wkoll is-Sala tat-Tron.
Iż-żjara kienet koordinata mill-kuratur tal-Heritage Malta Emmanuel Magro Conti.
Preżenti għal din iż-żjara kien il-President tal-EPP Manfred Weber, il-President tal-Parlament Ewropew Roberta Metsola, il-Kap tal-PN Bernard Grech, flimkien mal-eks Sindku Nazzjonalista tal-Belt, Chrstian Micallef.
