Indjan ta’ 29 sena u residenti Birkirkara, għal xin-12:30am, ittieħed l-Isptar Mater Dei wara li kien involut f’inċident tat-traffiku, fi Triq il-Belt Valletta, Raħal Ġdid.
Mill-ewwel stħarriġ irriżulta li r-raġel kien qiegħed isuq mutur tal-għamla Keeway, tilef il-kontroll u waqa’.
Huwa ngħata l-għajnuna minn tim mediku, ittieħed l-isptar b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
