Sport • Sport Ieħor

Tiġrijiet taż-Żwiemel: L-ewwel rebħa staġjonali għal Caprice De Cosse fl-aqwa klassi

24 ta' Novembru 2024

Kenneth Vella

Il-Ħadd wara nofsinhar fil-korsa tal-Marsa saret l-44 laqgħa tas-sena fuq disa’ tiġrijiet kollha għal żwiemel tat-trott fuq distanza twila ta’ 2640m. Spikkat l-aktar it-tiġrija tal-aqwa klassi Premier li ntrebħet minn Caprice De Cosse misjuq minn Mario Fenech.

Ħdax -il żiemel ġrew fil-klassi Premier. Hawnhekk l-ewwel pożizzjoni alternat bejn diversi żwiemel matul id-distanza sakemm l-Iżvediż M.T. Montpellier (Cliferty Calleja) mar quddiem meta l-ewwel parteċipanti daru biex jaffrontaw id-dritta finali. Madankollu dan ukoll inqabeż mir-rebbieħ il-Franċiż Caprice De Cosse (Mario Fenech) eżatt fuq il-linja finali. B’hekk Caprice De Cosse ħa l-ewwel rebħa tas-sena f’medja ta’ 1.15.4” fil-kilometru, b’Ghost (Charles Degiorgio) u Espit Chupitos (Charles Camilleri) itemmu fit-tielet u r-raba’ post rispettivament.

Il-laqgħa nkludiet ukoll żewġ tiġrijiet tal-klassi Gold. Fl-ewwel waħda, il-Franċiż Destrier D’Or (Redent Magro) ħa l-ewwel rebħa fi xtutna wara li beda’ jżid fil-pass fuq in-naħħa ta’ barra 500 metru mit-tmiem. Dan irnexxilu jaqbeż lil Typhoeus Face (Noel Baldacchino) ftit metri mil-linja finali. Felicio Du Joamax (Jason Zahra) u Mellby Drake (Jonathan Spiteri) daħlu warajhom f’dik l-ordni.

Funny Boy (Marco Debono) kien il-ħin kollu quddiem waqt id-distanza kollha tat-tieni tiġrija Gold. Dan ħa l-ewwel rebħa fi xtutna faċilment minn Bicetre (Cliferty Calleja) u Billie Holiday (Rodney Gatt). Quite E. Wood (Jean Pierre Farrugia) kellu wkoll pjazzament pożittiv meta temm warajhom f’dik l-ordni.

Ir-rebbieħa kollha

I Tiġrija. Klassi Copper. Dist – 2640m. 1. Hartist Griff (S. Schembri) Ħin – 3.28.2” (1.18.9”) 2. Divonne (V. Fenech) 3. Frisquette Snob (R. Schembri) 4. Coutinho (W. Galea)

II Tiġrija. Klassi Bronze. Dist – 2640m. 1. My Love M.L. (M. Farrugia) Ħin – 3.23.5” (1.17.1”) 2. Halex Dark (C. Vassallo) 3. Cygnus Du Guelier (P. Galea) 4. Haita Du Vieuxcour (C. Camilleri)

III Tiġrija. Klassi Copper. Dist – 2640m. 1. Flexy Vert (P. Galea) Ħin – 3.26” (1.18”) 2. Import (S. Cortis) 3. Jaguar Des Caux (J. Spiteri) 4. Cinq Trois (A. Farrugia)

IV Tiġrija. Klassi Silver. Dist – 2640m. 1. Lee Harvey Bros (P. Galea) Ħin – 3.23.1” (1.16.9”) 2. Golden Majyc (D. Casha) 3. Oh Ah Kennedy (D. Baldacchino) 4. Fira (N. Baldacchino)

V Tiġrija. Klassi Silver. Dist – 2640m. 1. Ecuador (R. Magro) Ħin – 3.20.6” (1.16”) 2. Fosbury Zet (N. Baldacchino) 3. Fief (I. Bilocca) 4. Snick Chick (J. Gaffarena)

VI Tiġrija. Klassi Bronze. Dist – 2640m. 1. Galys Du Patural (P. Galea) Ħin – 3.22.3” (1.16.6”) 2. Jalea MIP (C. Farrugia) 3. Quickspin (C. Calleja) 4. Waikiki Man (M. Falzon)

VII Tiġrija. Klassi Gold. Dist – 2640m. 1. Destrier D’Or (R. Magro) Ħin – 3.20.3” (1.15.9”) 2. Typhoeus Face (N. Baldacchino) 3. Felicio Du Joamax (J. Zahra) 4. Mellby Drake (J. Spiteri)  

VIII Tiġrija. Klassi Premier. Dist – 2640m. 1. Caprice De Cosse (M. Fenech) Ħin – 2. 3.19” (1.15.4”) 2. M.T. Montpellier (C. Calleja) 3. Ghost (Ch. Degiorgio) 4. Espit Chupitos (Ch. Camilleri)

IX Tiġrija. Klassi Gold. Dist – 2640m. 1. Funny Boy (M. Debono) Ħin – 3.22.1” (1.16.6”) 2. Bicetre (C. Calleja) 3. Billie Holiday (R. Gatt) 4. Quite E Wood (J.P. Farrugia)