Gvern fi kriżi. Partit li tilef siġġu Parlamentari. Robert Abela prova jimplika li keċċih. Clayton Bartolo qed jgħid li kien hu li irriżenja minn Ministru.
Hija din il-konfużjoni li inħolqot fil-Labour fl-aħħar sigħat, b’diversi klikkek iduru għal xulxin wara li l-Prim Ministru dam jiem sħaħ jiddefendi lil Clayton Bartolo. Dan filwaqt li ta ‘Super-Ministry’ lid-Deputat Prim Ministru Ian Borg.
U minkejja li Robert Abela ta x’jifhem li kien hu li neħħa lil Bartolo mill-Grupp Parlamentari tiegħu, l-eks Ministru qed jibqa’ jinsisti li kien hu li rriżenja.
F’post fuq Facebook, Bartolo ftaħar bix-xogħol li għamel għas-settur turistiku. Iżda fl-ebda ħin ma rringrazzja lill-Prim Ministru għall-fiduċja li wera fih fl-aħħar snin.
Bartolo m’għamel ebda referenza lanqas għall-fatt li neħħewħ mill-Grupp Parlamentari Laburista.
