Vinyl Paradise hija band Maltija li ddoqq mużika fi stil uniku li jħallat il-blues, il-funk, ir-rock u taħlita ta’ element pop. Isostnu li huma jsibu ħafna ispirazzjoni f’artisti bħal Gary Clark Jr, Stevie-Ray Vaughan, John Mayer u Jimi Hendrix.
Vinyl Paradise huwa ffurmat minn Ben Bailey, Patrick Camilleri u Antoine Tonna. It-trio huma mfakkra l-iktar għax-xogħol tagħhom fil-band The Creepers, li kienu jagħmlu parti minnha qabel ma ffurmaw Vinyl Paradise f’Jannar tal-2017.
Matul dawn is-snin, Vinyl Paradise ħarġu diversi singles fosthom ‘Call Sometime’, ‘Stay’, ‘Count on You’, u ‘Change’ li ġiet masterjata f’Abbey Road Studios f’Londra. Sena ilu kienu supporting band ta’ Ian Paice u l-band Perpendicular f’kunċert li kien sar f’Malta.
F’dan il-kunċert se jdoqq ukoll Soul Traffic. Il-biljetti għal dan il-kunċert jinxtraw minn fuq https://www.ticketline.com.mt.
