‘Bl-injuries l-options qed dejjem jonqsu’ – Alessandro Zinnari, kowċ ta’ Ħamrun Spartans

INTERVISTI

‘Bl-injuries l-options qed dejjem jonqsu’

• Alessandro Zinnari, kowċ Ħamrun S. FC

‘Kienet logħba bilanċjata ħafna u dan huwa rifless fir-riżultat tal-logħba’. Dan kien l-ewwel kumment li għadda lil dan il-ġurnal il-kowċ ta’ Ħamrun Spartans Alessandro Zinnari wara d-draw bejn Ħamrun Spartans u Sliema W. Huwa kompla hekk: ‘Konna kapaċi mmorru fil-vantaġġ imma sfortunatament wasal il-gowl tad-draw ta’ Sliema. Mertu lill-players ta’ kemm ħadmu u tal-wirja pożittiva tagħhom. In-nuqqas ta’ Roko nħass ħafna wkoll bħalma huwa tal-players l-oħra li bħalissa mhux disponibbli. Fil-fatt fil-preżent ma tantx fadalli soluzzjonijiet’.

‘Kellna reazzjoni immedjata’

• Paul Zammit, kowċ Sliema W. FC

‘Fl-ewwel taqsima kkonċedejna ħafna l-ballun lill-avversarji iżda fit-tieni ħamsa u erbgħin minuta konna aktar dominanti.’ Hekk ikkummenta l-kowċ ta’ Sliema Wanderers Paul Zammit wara d-draw kontra Ħamrun Spartans. Zammit kompla jżid: ‘L-avversarji tagħna huma tim organizzat ħafna fejn marr fil-vantaġġ wara żball li għamilna.  Ir-reazzjoni tagħna kienet waħda immedjata fejn ksibna l-gowl tad-draw.  Issa jmiss li niltaqgħu fit-13 ta’ Diċembru kontra xulxin għas-Super Cup. Ser tkun opportunità oħra sabiex nilagħbu għal Tazza kontra xulxin. Żgur ser tkun partita oħra sabiħa u eċċitanti.’

TIM TAL-ĠIMGĦA

Goalkeeper: Matthias Debono (Naxxar Lions)

Difensuri: Gabriel Mentz (Gżira United), Lucas Lopez (Marsaxlokk), Manuel Morello (Birkirkara), Simon Zibo (Sliema Wanderers)

Midfielders: Jake Grech (Floriana), Shaun Dimech (Birkirkara), Jai Quitongo (Marsaxlokk)

Attakkanti: Brian Gambarte (Żabbar SP), Luke Montebello (Ħamrun Spartans), Thiago Nascimento (Floriana)

LOGĦOB LI JMISS

Is-Sibt 7 ta’ Diċembru. 2024

Stadium Nazzjonali

2.15pm            B’Kara vs Sliema W.

5.00pm            Hibernians vs Mosta

Il-Ħadd 8 ta’ Diċembru, 2024

Stadium Nazzjonali

3.00pm            Floriana vs Ħamrun S.

Centenary Stadium

6.30pm            Melita vs Balzan

Victor Tedesco Stadium

1.30pm            Gżira Utd. vs M’Xlokk

4.00pm            Naxxar L. vs Żabbar SP