Neptunes waħedhom fil-quċċata u Sliema jirritornaw għar-rebħ

BIRŻEBBUĠA ASC……………….. 6

NEPTUNES VIDEOSLOTS…… 14

(1-4), (1-4), (1-4), (3-2)

Ir-raba’ rebħa minn erbgħa għal Neptunes Videoslots. Kif mistenni għelbu lil Birżebbuġa 14-6 u b’hekk telgħu waħedhom fil-quċċata. Għal Neptunes irritorna l-captain Stevie Camilleri li kien assenti fl-aħħar logħba mirbuħa kontra Marsaskala. Protagonist kien iż-żagħżugħ Julian Valletta li spiċċa l-aqwa skorer tal-logħba b’ħames gowls.

Tlieta minnhom skorjahom fl-ewwel sessjoni, b’Sam Gialanze jiskorja tripletta personali sa nofs it-tieni sessjoni għal vantaġġ ta’ 7-1. Anki jekk b’rotazzjoni kontinwa mill-kowċ Aleksander Ciric, Neptunes baqgħu jikkontrollaw fit-tieni parti tal-konfront. B’superjorità iżda mhux bi sforz enormi, komplew ikabbru d-distakk fosthom b’doppjetta tal-veteran Camilleri. Konsolazzjoni għal Birżebbuġa li rebħu l-aħħar sessjoni.

Birżebbuġa: S. Livori, M. Aquilina (1), M. Cassar (1), D. Incorvaja, S. Bezzina, M. Manara, J. Abdilla, N. Saliba, D. Farrugia, M. Cutajar (3), J. Cauchi, M. Curmi (1), K. Manara, J. Saliba

Neptunes: M. Castillo, M. Lanzon, S. Gialanze (4), B. Lewis, J. Valletta (5), S. Camilleri (3), M. Castillo, L. Montebello Brownrigg, J. Pawley (1), A. Fava, E. Mallia, M. Farrugia, R. Spiteri (1)

Referees: Ronnie Spiteri, Debbie Tully

EXILES WELBEE’S………………. 3

SLIEMA FRANK SALT……….. 20

(1-6), (0-5), (1-6), (1-3)

Wara ż-żelqa kontra Valletta s-Sibt li għadda, Sliema Frank Salt irritornaw għar-rebħ bil-kbir fid-derby Slimiż kontra Exiles Welbee’s. Il-logħba kellha storja waħda b’dominanza Slimiża tul il-konfront, b’Exiles pruvaw biss jillimitaw id-danni. Neqsin għal Sliema mill-aħħar logħba kien hemm Jamie Gambin u l-captain John Brownrigg filwaqt li Dino Zammit kien fl-iskwadra iżda ma niżilx fl-ilma.

Doppjetta taż-żagħżugħ Daniel Rizzo fil-bidu tal-logħba wittiet it-triq għar-rebħa Slimiża, b’Exiles isibu x-xibka minn Kurt Griscti wara s-sitt gowl ta’ Sliema. Doppjetti minn Elijah Schembri u Liam Galea flimkien ma’ gowl ieħor ta’ Rizzo kabbru l-vantaġġ għal 11-1. Il-logħba żammet l-istess rendiment bit-tieni parti sservi għal sodisfazzjoni għal plejers żgħażagħ bħal C.J. Saliba u Julian Chircop u Jerome Schembri Young li kolla niżżlu isimhom fost l-iskorers.

Exiles: A. Borg Cole, G. Gatt, Z. Micallef, D. Pace Lupi, M. Martellacci, M. Paris Roding, M. Fenech, K. Griscti (1), M. Naudi, K. Tanti (1), K. Navarro (1), L. Felice, G. Galea Curmi

Sliema: A. Theuma, E. Schembri (3), L. Galea (3), C.J. Saliba (1), J. Cassar (2), B. Cachia (1), M. Soler, D. Rizzo (3), J. Schembri Young (1), A. Galea (3), J. Chircop (2), D. Zammit, B. Busuttil, S. Engerer (1)

Referees: Stefan Licari, Neville Mercieca

Kif Jinsabu